استغاثہ(بحضور امام عصر عج)

بے سود رنگ و بو کے تماشے ترے بغیر
بے جان ہیں یہ پیار کے چرچے ترے بغیر

دنیا اسیربے سرو سامان ہے ہنوز
بے رنگ ہیں فلک پہ ستارے ترے بغیر

سب انتشار اور پراکندگی میں ہیں
ہنگامہء جہاں کے فسانے ترے بغیر

* Click to Follow Voice of Ladakh on WhatsApp *

منبر بھی ،مدرسے بھی ہیں واعظ بھی ہیں مگر
ناپید ہیں وفا کے سلیقے ترے بغیر

لہجوں میں واعظوں کے نہ سوزو گداز ہے
بیٹھے ہیں مل کے خلد کمانے ترے بغیر

اے نافذ شریعت پرور دگار آ
تاریک ہیں یہ دن کے اجالے ترے بغیر

آ پھر جلا دلوں میں محبت کی روشنی
گذرے ہیں نفرتوں کے زمانے ترے بغیر

خمار تومیلی

0 Comments

Leave a Reply

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>